Endurnýja þarf umsóknir á niðurgreiðslum á leikskólagjöldum fyrir skólaárið 2026-2027

Afsláttur á leikskólagjöldum er tekjutengdur og geta þeir foreldrar og forráðamenn sem falla undir sett tekjuviðmið sótt um að fá 40% afslátt af leikskólagjöldum, utan fæðisgjalda. 

Tekjuviðmiðinn miðað við heildartekjur heimilis og eru eftirfarandi: Foreldrar/forráðamenn sem eru með mánaðartekjur allt að 795.000 krónur eða árslaun 0-9.540.000 kr. Miðað er við meðal tekjur samkvæmt staðgreiðsluskrá fyrir síðustu þrjá mánuði þegar að umsókn er send inn. 

Reglurnar hafa enginn áhrif á systkyna afslátt sem helst óbreyttur en þó er ekki veittur systkyna afsláttur og tekjutengdur í einu. 

Umsókn tekjutengds afsláttar fyrir haustönn skal berast fyrir 30. júní 2026 og skal fylgja yfirlit úr staðgreiðsluskrá fyrir síðustu þrjá mánuði. 

Ekki þarf að sækja um mánaðarlega en gert er ráð fyrir að forráðamenn skili inn upplýsingum úr staðgreiðsluskrám tvisvar á ári þ.e. fyrir 15 júní og 15. desember ár hvert. 

Sótt er um afsláttinn inn í þjónustugátt  Ísafjarðarbæjar. 

Allar nánari upplýsingar gefur Guðrún Birgisdóttir, skóla og sérkennslufulltrúiá netfanginu gudrunbi@isafjordur.is eða í síma : 450-8000. 

Fyrir nokkru gaf Kiwanis klúbburinn Básar á Ísafirði Laufási styrk upp á 250 þúsund til að kaupa eitthvað sem myndi nýtast okkur í starfinu á leikskólanum. Á föstudaginn 7 mars eftir hádegi komu svo formaður Bása og annar meðlimur með honum til að afhenda okkur gjöfina formlega. Nýja svampkubba, nýja segulkubba og nýtt Lego. Á myndunum sést Rakel taka á móti gjöfunum fyrir hönd okkar á Laufási. 

Við þökkum Kiwanis innilega fyrir þessa rausnarlegu gjöf. :)

Þann 11. febrúar var einn einn tveir dagurinn, þema dagsins var að þessu sinni börn og öryggi sem er okkur sérlega hugleikið hér á Laufási. Við gerðum ýmislegt skemmtilegt og mikilvægt þennan dag. Við ræddum um ýmis öryggis atriði eins og neyðarnúmerið okkar 112 sem við megum alltaf hringja í í neyð. Við ræddum einnig um hvað við eigum að gera ef að kemur upp eldsvoði. Við skoðuðum neyðar útganga á Laufási og fórum út um einn slíkan til að æfa okkur. Við fengum að skoða Slökkviliðsbílinn á þingeyri bæði að innan og utan. Við fengum líka að eins að skoða sjúkrabílinn og síðan fengum við að fara um alla slökkviliðistöð Þingeyrar að skoða og spurja um allt sem að okkur datt í hug. Þökkum Hafsteini Má vel fyrir að taka á móti okkur. 

Það er hefð fyrir því hér á Laufási að halda Þorrablót á Bóndaginn. Þá gerum við þorra kórónur, borðum þorramat og að þessu sinni fengum við víking í heimsókn í fullum skrúða. Hann sýndi okkur vopnin sín, víkingaklæðnað og allskonar handgert glingur. Börnin voru mjög glöð að fá þennan alvuru víking í heimsókn enda mikið verið rætt um víkingatímann núna í aðdraganda þorrans. Meðal annars sagði víkingurinn okkur frá því hvernig víkingar börðust, gerðu vopnin sín, hvernig þeir borguðu og margt fleira. 

Allir voru ánægðir með daginn! 

Af því tilefni að Laufás verður 35 ára 19 nóvember næstkomandi héldum við upp á afmælið með súpu sem við borðuðum úti í blíðunni. Við buðum 1-4 bekk grunnskólans og foreldrum leikskólabarnanna í heimsókn til okkar í súpu og köku í eftir rétt. Marcin eldaði fyrir okkur gómsæta kjúklingasúpu og bakaði köku og allir voru ánægðir með daginn. Það er gaman að koma svona sama og borða og leika í svona fallegu vetrarveðri. 

Takk kærlega fyrir komuna og tilhamingju með daginn Laufás! 

Aðildarfélagar í stéttarfélaginu Kili sem starfa í leikskólum í Ísafjarðarbæ hafa boðað til verkfalls frá og með 5. júní 2023 en Kjölur er aðildarfélag innan BSRB. Viðbúið er að starfsemi leikskólana skerðist töluvert fyrir vikið.

Þar sem að starfsmenn hérna við Laufás eru í Kili mun verða skerðing á opnunartímanum hjá okkur ef til verkfalls kemur en samt ekkert ofboðslega mikil við munum ná að hafa leikskólann opinn frá 8:00 til 15:00 og matartímar haldast óskertir. En það er en tími til að samningar náist og vonandi kemur ekki til verkfalls en við hvetjum foreldra til að fylgjast með fréttum svo að þið séuð upplýst um það hver staðan er. 

Ísafjarðarbær vekur athygli á því að leikskóla- og fæðisgjöld barna falla niður þann tíma sem börnin geta ekki mætt í skólann vegna verkfallsins. Þetta á við þegar vistunartími barna er skertur og/eða þegar ekki er hægt að bjóða upp á hádegismat. Afsláttur mun verða veittur af næstu leikskólagjöldum sem nemur skerðingunni. 

Þetta er aldeilis búinn að vera viðburða ríkur föstudagur hjá okkur í leikskólanum. 

Þann 11. febrúar ár hvert heldur Neyðarlínan upp á 112 daginn, til að minna á neyðarnúmer allra landsmanna. Vegna þess að þann dag ber upp á laugardegi að þessu sinni, tókum við okkur til og fórum í vinnu hans vegna í þessari viku. Með endapunkti í dag þegar við fengum sjúkrabíllinn í heimsókn til okkar og krakkarnir fengu að skoða hann. Eldri krakkarnir bjuggu meðal annars til síma og lærðu hvernig maður hringir í einn einn tvo. Við horfðum einnig á myndband um þau Loga og Glóð sem fræða börn á barnvænan hátt um eldvarnir.

Annað skemmtilegt sem bar upp á daginn í dag var það að íþróttafélag Þingeyrar Höfrungur gaf grunnskólanum og leikskólanum 18 pör af gönguskíðum og skó. Þetta er vegleg og frábær gjöf sem að börn og kennarar munu njóta góðs af. Gjöfin var m.a. styrkt af Byggðarþróunarverkefninu Öll vötn til Dýrafjarðar. Þessi frábæra gjöf gefur okkur möguleika á enþá fjölbreyttari hreyfingu og heilsueflingu fyrir skólanna. Við sjáum fyrir okkur að nýta skíðin m.a. í útináminu okkar. 

Góða helgi!

Þá hefur orðið breyting varðandi s.k. 9. klukkutíma. Í dag eru leikskólar Ísafjarðarbæjar með vistunartíma í 8,5 klst. að hámarki og er gjaldskrá breytt til samræmis við það þannig að hálftíminn lengur en 8 klst. kosti meira en aðrir klukkutímar. Áður var vistunartíminn að hámarki 9 klst. og viðmið gjaldskrár út frá því. Þetta á ekki við Laufás þar sem við bjóðum ekki upp á lengri vistun en 8 klst.

Helstu upplýsingar um breytingar á gjaldskrá má finna hér