VALMYND ×

Fréttir

Útskrift

Guðmundur, Hélie og Þór, útskrift :)
Guðmundur, Hélie og Þór, útskrift :)
1 af 4

Miðvikudaginn 29. maí sl. útskrifuðust 3 börn úr leikskólanum Laufási í dásamlegu veðri. Við óskum þeim Guðmundi, Hélie og Þór til hamingju með að hafa lokið fyrsta skólastiginu og óskum þeim bjartrar framtíðar, gæfu og gleði. Að lokinni formlegri útskrift þar sem nemendur tóku við leikskólabók sinni, viðurkenningum og útskriftargjöfum sungu leikskólabörnin lög um vorið og að sjálfsögðu var flaggað í tilefni dagsins. Börn, foreldrar, systkini og starfsfólk borðuðu að athöfn lokinni grillaða hamborgara út á lóð saman.

Eftir hádegi héldu drengirnir í óvissuferð/útskriftarferð þar sem þeir heimsóttu m.a. Melrakkasetrið í Súðavík, sundlaugina í Bolungavík og ísbúðina. Allir skemmtu sér konunglega.

 

Takk fyrir dásamlega stund

Starfsfólk Laufás

Dagur leikskólans

1 af 4

Í gær miðvikudaginn 6. febrúar héldum við hér á Laufási upp á Dag leikskólans. Dagur leikskólans hefur verið haldinn hátíðlegur í leikskólum landsins tólf ár í röð. Sjötti febrúar er merkilegur dagur í leikskólasögu þjóðarinnar því á þessum degi árið 1950 stofnuðu frumkvöðlar leikskólakennara fyrstu samtök sín.

Það var opið hús hjá okkur í hádeginu og buðum við upp á útisúpu. Við létum ekki kuldalegt veðrið stoppa okkur og áttum notalega stund saman í skjóli undir vestur vegg leikskólans okkar. #dagurleikskólans

Ung börn og snjalltæki

SAFT og Heimili og skóli dreifa þessa dagana nýjum foreldrabæklingi „Ung börn og snjalltæki“ á alla elstu nemendur leikskóla landsins, en þar er meðal annars fjallað um fyrstu kynni barna af snjalltækjum. Við erum búin að setja eintak af bæklingnum í hólfið hjá elstu nemendum og hvetja foreldra til að kynna sér efnið með börnum sínum.

Starfsfundur

Á föstudaginn næstkomandi er starfsfundur hjá starfsfólki leikskólans. Leikskólinn mun því loka þann dag kl 13. Öll börn verða södd og sæl þegar þau fara heim. 

Kærar kveðjur Starfsfólk

"Breytum ekki konum, breytum samfélaginu"

Það er leikur að læra, regnbogi í otkóber 2018
Það er leikur að læra, regnbogi í otkóber 2018

Á miðvikudag er kvennafrí og eru konur hvattar til að leggja niður vinnu klukkan 14.55. Langflest starfsfólk leikskóla eru konur og eru foreldrar og forráðamenn leikskólabarna því hvattir til að sækja börn sín á leikskóla fyrir þennan tíma á miðvikudag og sýna þannig samstöðu í verki.

Bleikur dagur á föstudaginn 12. október

Bleikur dagur
Bleikur dagur

Föstudaginn 12. október verður bleikur dagur í leikskólanum. Þá ætlum við að mæta í einhverju bleiku í leikskólann til að sýna samstöðu og hafa gaman af því að vera til í "bleikum október" mánuði.

Vonandi geta allir tekið þátt í þessu með okkur. Það er svo gaman að nýta þessi verkefni til að "lita" daginn okkar í leikskólanum.

 

 

Leikskólastarfið hafið aftur eftir sumarfrí

Dagatal fyrir ágúst 2018
Dagatal fyrir ágúst 2018

Búið er að bóna gólf og mála eldhús og verið er að mála þakið. Í september lítur út fyrir að það verði 15 börn í leikskólanum sem er afar ánægjulegt. Erna verður áfram leikskólastjóri, Lára verður deildarstjóri, Kristín og Hulda kennarar inn á deild og Magga verður áfram í eldhúsinu ásamt Janne sem kemur einnig til með að hlaupa í afleysingar. 

Það er nóg framundan og ekkert nema skemmtilegheit í verkefnum vetrarins. Við ætlum m.a. að halda áfram að efla læsi og málörvun í "Stillum saman strengi" ásamt því að taka inn nýtt efni í stærðfræði. Heilsudagbókin verður rafræn í vetur og við ætlum að leggja inn nýtt vinaverkefni og margt margt fleira.

Dagatalið fyrir ágúst er klárt og það má finna framvegis undir "Daglegt starf" hér á heimasíðunni.

Vegna sumarleyfis koma innheimtuseðlarnir aðeins seinna inn en vanalega og afsökum við það hér með.

 

Skóladagatal 2018-19

Skóladagatal fyrir næsta ár hefur verið samþykkt af nýrri fræðslunefnd og skólaráði. Hægt er að að finna dagatalið undir tenglinum Um leikskólann hér fyrir ofan.

Leikskólinn fer í sumarfrí 11. júlí kl. 13 eða eftir sumarhátíðina okkar. Þá er foreldrum, ömmum og öfum og eldri systkinum boðið að koma til okkar í sprell, það verður andlitsmálun og grillaðar pylsur í boði og fleira skemmtilegt á skólalóðinni.

Leikskólinn byrjar aftur eftir sumarfrí 9. ágúst kl. 13:00 en það er starfsfundur um morguninn.

Leyfisbréfið á listasýninguna

Kæru foreldrar, mér varð aðeins á í messunni og í leyfisbréfinu til foreldra um ferðina á Opnun Listasýningar leikskóla Ísafjarðarbæjar þann 8. júní n.k. stendur að það eigi að fara í rútu/hópferðabíl en svo er ekki.  Við förum á bílum og erum einmitt að leita að sjálfboðaliðum til að keyra með okkur.

Ég vil líka minna á að skila inn þessum miðum til okkar, ef að barn skilar ekki inn miðanum er litið á að það komi ekki með og ekki er gert ráð fyrir þeim, heldur gerum við ráðstafanir til að börnin geti verið í leikskólanum.

Með listakveðju,

Elsa María.