Skóladagatal fyrir næsta ár hefur verið samþykkt af nýrri fræðslunefnd og skólaráði. Hægt er að að finna dagatalið undir tenglinum Um leikskólann hér fyrir ofan.

Leikskólinn fer í sumarfrí 11. júlí kl. 13 eða eftir sumarhátíðina okkar. Þá er foreldrum, ömmum og öfum og eldri systkinum boðið að koma til okkar í sprell, það verður andlitsmálun og grillaðar pylsur í boði og fleira skemmtilegt á skólalóðinni.

Leikskólinn byrjar aftur eftir sumarfrí 9. ágúst kl. 13:00 en það er starfsfundur um morguninn.

Laufás opnar klukkan 10 eftir sumarleyfi í dag 08.08.2017

Sjáumst hress.

Kæru foreldrar, mér varð aðeins á í messunni og í leyfisbréfinu til foreldra um ferðina á Opnun Listasýningar leikskóla Ísafjarðarbæjar þann 8. júní n.k. stendur að það eigi að fara í rútu/hópferðabíl en svo er ekki.  Við förum á bílum og erum einmitt að leita að sjálfboðaliðum til að keyra með okkur.

Ég vil líka minna á að skila inn þessum miðum til okkar, ef að barn skilar ekki inn miðanum er litið á að það komi ekki með og ekki er gert ráð fyrir þeim, heldur gerum við ráðstafanir til að börnin geti verið í leikskólanum.

Með listakveðju,

Elsa María.

Kæru foreldrar. Í þessum bæklingi , Öryggi barna í bíl sem Samgöngustofa hefur gefið út, má finna aðgengilegar og ítarlegar upplýsingar um þau atriði sem hafa þarf í huga þegar tryggja skal sem best öryggi barna í bílum. Fjallað er m.a. um ólíkar gerðir barnabílstóla og annan þann öryggisbúnað sem hentar börnum á mismunandi aldurskeiðum.

https://www.samgongustofa.is/media/umferd/umferdaroryggi/Oryggi-barna-i-bilum---einblodungur.pdf

KÆRU FORELDRAR! Listasýning leikskóla Ísafjarðarbæjar er 8. júní næstkomandi. Setning sýningarinnar er klukkan 10:00 og við viljum vera viðstödd og bjóða ykkur með.

Eftir listasýninguna förum við í Slökkvistöðina og skoðum okkur um,  svo fáum við okkur eitthvað gott í gogginn áður en við höldum heim.

Okkur vantar 1-3 bílstjóra eftir því hvað koma margir foreldrar…. Vilt þú koma með okkur? Getur þú keyrt?  Það er hægt að skrá sig á þar gerðu eyðublaði í leikskólanum.

kveðja, Elsa María.

Við kíkjum í sveitina, kíkjum á dýralífið í sveitinni, förum í leiki, grillum og höldum svo heim.

Athöfnin verður kl 11:30 og að því loknu verður grillað í góða veðrinu (vonandi).  Kl 13 heldur svo veljulegt starf áfram í leikskólanum.  Allir velkomnir :)

Kyndum undir hlóðir og eldum útisúpu sem verður í boði frá 11:45-12:15.  Við minnum á að leikskólinn lokar klukkan 12:30 vegna starfsfundar.

Góðan dag kæru foreldrar.

Á föstudaginn kemur er í boðið foreldrakaffi. Hugmyndin er sú að foreldrar komi inn með barninu sínu þennan morgun, fái sér kaffi-, te- eða vatnssopa í skotinu og kannski labbi hring með barninu sínu og skoði það sem barnið hefur áhuga að að sýna ykkur og svo heldur dagurinn bara áfram.

Hlökkum til að taka á móti ykkur, með sól í hjarta.

Dótadagur verður 24. mars næstkomandi og þá mega börnin hafa með sér eitt leikfang að heiman.

Við viljum minna á að merkja leikföng barnanna og að leikskólinn og starfsfólk hans geta ekki borið ábyrgð á leikföngum sem börnin hafa meðferðis.

Með dótakveðju, Elsa María.