Við minnum á að leikskólinn opnar ekki fyrr en kl 10:00 í fyrramálið, þriðjudaginn 12. nóvember, vegna starfsmannafundar :-) 

Við minnum á haustfund Heilsuleikskólans Laufás sem að þessu sinni er sameiginlegur með Grunnskólanum á Þingeyri. 

Í samþykkt Fræðsluráðs Ísafjarðarbæjar varðandi leikskólamál og bættan aðbúnað kemur fram að breyta skuli fundartíma starfsmanna og lokun leikskóla. Því er búið að uppfæra skóladagatalið í samræmi við það. 

Hér má finna samantekt starfshóps um leikskólamál. Hér er uppfært skóladagatal. 

Á þriðjudaginn munu Villi, Vilhelm Anton Jónsson,  og Linda Ólafsdóttir heimsækja yngsta og miðstigið. Þau eru á vegum Skáld í skólum sem er samstarfsverkefni Rithöfundasambandsins, Menntamálaráðuneytisins og Reykjavíkurborgar. 

Hér er linkur á þau verkefni sem voru í boði þetta árið, en það var svo sannarlega erfitt að velja eitthvað eitt! Hér linkur á síðu Rithöfundarsambands Íslands. 

Við ætlum að bjóða elstu drengjunum, skólahópnum, á leikskólanum að koma yfir í grunnskólann og njóta með okkur :-) 

Á fimmtudaginn, 24. október, er sameiginlegur starfsdagur með öllum starfsmönnum Ísafjarðarbæjar. Leikskólanum verður því lokað kl 11:30. Nemendur fá skyr og brauð að borða áður en þeir halda heim. 

« 1 af 9 »

Í gær, fimmtudaginn 17. október, tóku nemendur leikskólans þátt í skólahlaupi grunnskólans. Þau stóðu sig mjög vel, og voru tveir nemendur sem hlupu 2,5 km! Vel gert! Eftir hlaupið fengu nemendur ávexti. Ég set með nokkrar myndir sem ég tók í gær - svo virðist sem ég geti ekki snúið þeim, biðst forláts... 

Á fimmtudaginn næsta, 24. október, er sameiginlegur starfsdagur með starfsfólki Ísafjarðarbæjar. Leikskólinn verður því lokaður frá kl 11:30. Nemendur fá samt að borða áður en þeir halda heim. 

Á morgun, fimmtudaginn 17. október verður hið árlega skólahlaup hjá Grunnskólanum á Þingeyri. Samkvæmt venju munu nemendur leikskólans taka þátt. 

Hlaupið verður ræst kl 10:15 hjá kirkjunni og munu yngstu/elstu nemendur hlaupa/ganga 2,5 km, aðrir eftir getu. Að loknu hlaupi fá nemendur ávöxt áður en farið er aftur í leikskólann. 

Allir velkomnir með okkur :-) 

Við minnum á bleikan dag á morgun, föstudag :-) 

 Sjá upplýsingar hér. 

Kæru foreldrar. Nú er allt að smella saman hjá okkur og starfið farið á fullt. Það eru ýmsar mannabreytingar hjá okkur í ár. Erna okkar er farin í fæðingarorlof og Sonja Dröfn mun sinna hennar starfi í vetur. Sonja verður við á leikskólanum alla þriðjudaga frá 8- 12 og svo á miðvikudögum frá 13- 16. Einnig er hægt að ná sambandi við hana í grunnskólanum.

Við kveðjum einnig hana Möggu okkar en hennar verður sárt saknað af starfsfólki og börnum leik- og grunnskóla. Magdalena tók við starfi Möggu núna á haustmánuðum og hefur staðið sig með prýði. Henni til aðstoðar verður Heiður Embla, en hún mun einnig sjá um þrifin.

Við höfum einnig  fengið nýja manneskju  inn á deild, hana Ingu Jónu og við vorum svo heppin að með henni fylgdu tvær litlar skottur. 

í Vetur ætlum við að vinna með þemað Sveitin mín. Í því þema munum við kynnast bæði sveitarbæjum og húsdýrum fjarðarins betur og nærumhverfi okkar.  Við munum fara ýmsar leiðir til að auka þekkingu okkar en þar má nefna: sveitaferðir, smakka afurðir, listsköpun, vinna með endurvinnanlegt efni, fylgjast með útungun hænuunga og margt fleira skemmtilegt. 

Fyrsta dýrið sem börnin völdu að læra um er hesturinn. Við munum því fara í markvissa vinnu með hann næsta mánuðinn. Þar sem þemað okkar er sveitin völdu börnin dýranöfn á hópana sína. 

Inga Jóna verður með Folaldahóp (2014-2015), Kristín Harpa með Lambahóp (2016-2017) og Hulda Hrönn með ungana sína 3 (2018) 

Heilsubókin verður rafræn í fyrsta sinn í ár og munum við kynna hana betur þegar nær dregur. 

Íþróttahúsið verður á sínum stað á miðvikudögum kl. 09:00. Fyrst um sinn munu yngstu stelpurnar kynnast leikskólanum betur en fara svo tvisvar í mánuði þegar þær eru orðnar vanar. 

Hlökkum til að eyða vetrinum með börnunum ykkar og deila með þeim frábærum stundum :) 

Fimmtudaginn 24. október mun starfsfólk leikskólans sækja starfsmannafund á Ísafirði. Leikskólinn mun því loka kl. 11:30 þann dag. 

Bestu kveðjur